Çmimet e kripura detyrojnë tifozët e Real Madritit të mos blejnë biletat e finales

Çmimet shumë të larta si për udhëtimin, ashtu edhe për akomodimin në Kardif, kanë bërë që tifozët aksionerë të Real Madrid të mos tregojnë entuziazmin që pritej para finales së Ligës së Kampioneve ndaj Juventusit duke mos blerë biletat që u janë vënë në dispozicion. Sipas të përditshmes spanjolle “AS”, pak orë para mbylljes së afatit për të bërë kërkesën për biletat e finales në “Millenium Stadium”, vetëm 12 mijë kërkesa janë bërë në zyrtar e klubit. Ndërkaq, shifra në total që UEFA ka vënë në dispozicion të klubit është 17518 bileta, ku 14645 të tilla rezervoheshin për mbështetësit madrilenë që gëzojnë këtë status. Zakonisht, për biletat e finales së Ligës së Kampioneve ka fluks të madh kërkesash dhe klubi detyrohet të bëjë short për të caktuar “fituesit” mes tifozëve aksionerë që mund të gëzojnë të drejtën për të qenë të pranishëm. Siç duket, një gjë e tillë nuk do të jetë e nevojshme këtë radhë./Panorama Sport