Reperi Getoar Selimi ose sic njihet nga të gjithë Geti i adhuron tatuazhet dhe ka disa në trupin e tij, por pjesën më të madhe të tyre i ka në krah. Secila prej këtyre piktuarave ka të paktën një domethënie me tematikë të ndryshme.
Kompozimet kanë pa dyshim, edhe dedikime personale, siç është M-ja që Geti e ka krijuar për Muzikën fillimisht, pastaj edhe për Marinën, MMV-ja apo simboli i Babastars-ave, grupi me të cilin ai bashkëpunon prej vitesh. Por ka gjithashtu në trup edhe simbole patriotike, siç është edhe figura emblematike e Ali Pashë Tepelenës, që Geti vizatoi pak vite më parë.
Të gjitha pikturat identike në krahun e tij i ka edhe një djalë nga Vlora – fans i Getit, i cili e ka lënë pa fjalë reperin e njohur. Pas një koncerti të fundit që ka pasur me grupin në Vlorë, Geti është surprizuar nga fansi i tij, i cili ia ka treguar të gjitha vizatimet në krah.
Pasi ka postuar foton me të, Geti ka shkruar: “S’kam fjalë. Më ka surprizuar ky djali në Vlorë. E ka bërë dorën e vet si dora ime…”- shkruan Geti në Instragram.
