Sot është 17 nëntor dhe Tirana përkujton 74 vjetorin e çlirimit të saj nga forcat naziste.
Edhe sot kjo ditë duhet të ishte një moment nderimi për ata djem dhe vajza që dhanë jetën e tyre në luftë kundër pushtuesit.
Por edhe sot ceremonia e përvitshme përballë “Ushtarit të Panjohur” u shfrytëzua nga nostalgjikët e rroitur të komunizmit, si një moment nderimi për diktatorin Enver Hoxha.
Pikërisht mu në qendër të Tiranës dhe në sy të politikanëve të pranishëm të majtë, që nuk kanë asesi si të shfajësohen kur portretet e Enver Hoxhës kalojnë mu përpara syve të tyre.
Sigurisht ky është një turp për Shqipërinë, vend anëtar i NATO-s, që vazhdon të bëjë sehir ndaj një parade të tillë, që nuk ndodh në asnjë vend tjetër të botës.
Nuk ndodh as në Rusi, ku janë të ndaluara portretet e Stalinit në ngjarje të tilla, edhe pse udhëhoqi Bashkimin Sovjetik në luftën ndaj sovjetike.
Por as në vendet e tjera të Lindjes.
Thjesht sot përjetuam edhe njëherë turpin e pandëshkueshmërisë dhe heshtjes së bashkëfajësisë në një krim montruoz siç ishte regjimi 50 vjeçar diktatorial i udhëhequr nga një përbindësh që vrau dhe internoi me mijëra njerëz për pushtetin e tij vetjak.
