Kryetari në detyrë i Partisë Demokratike, Lulzim Basha ka reaguar lidhur me 22-vjetorin e çlirimit të Kosovës nga forcat e KFOR-it.
Nëpërmjet një postimi në “Facebook”, Basha shkruan se kjo është një ditë krenarie kombëtare, teksa kujton sakrificat e popullit të Kosovës për mbrojtur vendin e tyre.
Basha thotë se liria dhe shteti i Kosovës janë kontribut i përbashkët i shqiptarëve dhe partnerëve të saj.
MESAZHI I BASHES
Në këtë ditë krenarie kombëtare, mirënjohja më e thellë shkon për bijtë dhe bijat e Kosovës që dhanë jetën për liri, për lidershipin e Presidentit historik, Ibrahim Rugova, për luftën heroike të Ushtrisë Çlirimtare të Kosovës dhe simbolit të saj, Komandantit Legjendar, Adem Jashari. Në këtë rrugëtim plot sakrifica dhe shpresë drejt ëndrrës së çlirimit, shqiptarët do t’u jenë përjetë mirënjohës aleatëve tanë strategjikë, vendeve anëtare të NATO-s të udhëhequr nga SHBA, e të gjithë partnerëve. Liria dhe shteti i Kosovës janë kontribut i përbashkët i shqiptarëve dhe partnerëve të saj. E ardhmja e Kosovës, si një shtet i fortë, demokratik, anëtar i NATO-s dhe BE-së, do ndërtohet bashkarisht me partnerët dhe aleatët tanë./ Opinion.al
