Italiani që bëri “magjinë” vitin e kaluar me klubin e Leicester City, ka folur për herë të parë për momentin për të vështirë të jetës së tij, shkarkimin nga klubi.
Claudio Ranieri ka thënë se kurrë nuk kishte përjetuar një goditje të tillë, aq më tepër vetëm nëntë muaj pasi fituan titullin.
Ranieri duke folur para të burgosurve në Romë, ka thënë se ende është i pikëlluar me shkarkimin, derisa ka shtuar se e dinte se gjërat nuk po shkonin siç duhet.
“Gjëja e parë që më bie ndërmend për shkarkimin nga Leicesteri është befasia dhe pak edhe hidhërimi”, ka thënë Ranieri.
“Kam përjetuar shumëçka gjatë karrierës sime të gjatë, por asnjë herë si kjo [shkarkimi nga Leicesteri. Ishte befasuese, por tek e fundit, këto gjëra ndodhin në futboll”, ka shtuar ai.
“Kjo është bota ime tani. Fillova punën në ligën interregjionale në Catanzaro, ku fushat ishin pa barë dhe nuk kishte ujë as pajisje. Të gjitha i arrita vetë”.
