Kandidati i PS, Erion Veliaj i cili kërkon një mandat të tretë si kryebashkiak i Tiranës, ka sqaruar se në kryeqytet do hyhet me autobus nga lindja dhe perëndimi dhe autobusët nuk do të ndalojnë më tek terminalet në Qytet Studenti dhe tek Zogu i Zi.
Në emision “Opinion”, Veliaj tregoi edhe terminalin e trenave ku do të kryqëzohen sipas tij disa linja.
Për Tiranën u shpreh se do të ndërtohet një “city station” tek Bulevardi i Ri. Kjo sipas tij do të jetë shtylla e parë kurrizore e linjës hekurudhore. Veliaj u shpreh se synohet që të ndërtohen 3 stacione për ta risjellë sërish trenin në Tiranë.
Erion Veliaj: Në Tiranë me autobus do hyhet nga lindja dhe nga perëndimi. Do ndalojnë autobusët e rretheve aty. Pra nuk do vijnë më tek Qyteti Studenti dhe tek Zogu i zi.
Blendi Fevziu: Do përdorin furgonë ose taksi…
Erion Veliaj: Ose autobusët e linjës që kalojnë këtu. Këtu kalojnë edhe linjat ekspres që janë me dopio fizarmonikë.
Blendi Fevziu: Aty është dhe stacioni i trenit?
Erion Veliaj: Tani stacioni i trenit është pjesa që ishim me Belindën sot ku këtu praktikisht kemi 5 binarë. Vetëm 1 linjë do vazhdojë.
Blendi Fevziu: Ka stacion treni në autostradë? Se çdo qytet e ka stacionin e trenit në qendër.
Erion Veliaj: Këtu bëhet fjalë për një terminal që kryqëzon disa linja. Ajo që do të ndodhë në qendër të Tiranës do jetë ajo që quhet “city station” tek Bulevardi i Ri.
Blendi Fevziu: Do ketë stacion edhe në Bulevardin e Ri?
Erion Veliaj: Po.
Blendi Fevziu: Do ketë një stacion apo stop?
Erion Veliaj: Do ketë ajo që quhet një ‘city station’ pra njerëzit që po shkojnë në aeroport dhe po vijnë në aeroport. Pra është shtylla e parë kurrizore. Ajo që duam të bëjmë është që të kemi 3 stacione. Një tek ‘Josif Pashko’, një tek ‘Jordan Misja’ dhe pastaj tek fundi i Bulevardit për ta risjellë trenin sërish në Tiranë./ Tv Klan
