Çiljeta Xhilaga ka qenë dje e ftuar në emisionin “Soirée” në mbrëmjen e biondeve ku ndër të tjera ka folur dhe për tërheqjen e saj nga mediat dhe daljet publike kohët e fundit. Disa ndër arsyet që e ka bërë Çiljetën të shkëputet nga të qenit në qendër të vëmendjes janë bezdisja që ka amrrë prej tyre por dhe mosha .
“Po, padyshim ka pasur vite kur më kanë bezdisur mediat. Ma kanë bërë jetën tmerr, ferr [qesh]. Nuk është se kam ndonjë kompleks por vjen edhe me moshë. Më mirë pak dhe saktë!”, u shpreh këngëtarja.
Këngëtarja shqiptare kohët e fundit është përfolur vazhdimisht nga mediat rozë për lidhjen e saj me futbollistin, Alban Hoxha. Para disa javësh Çiljeta dhe Albani u përfolën për ndarje pasi portieri i Partizanit u pa në një klub nate me një vajzë të panjohur. Video e tyre u bë virale dhe menjëherë pas kësaj këngëtarja fshiu nga Instagrami çdo foto me futbollistin dhe madje ata as nuk ndiqeshin më në Instagram.
Por fotot e saj në ambientet e Gjykatës ku shkoi për të mbështetur Albanin pas arrestimit për drejtim mjeti në gjendje të dehur, treguan se ata ende janë bashkë./E.M
