Nga Suada Daci
“Big Booty” doli… dhe menjëherë vërshuan edhe komentet e para në rrjetet sociale.
Kështu ndodh gjithnjë me Çiljetën, ajo ka qenë dhe do të mbetet një nga femrat më të komentuara të showbiz-it shqiptar.
Pak kohë më parë në Opinion.al lançuam edhe një sondazh se cila ishte femra më seksi shqiptare dhe ajo që fitoi me nje diferencë shumë të thellë mes shumë bukuroshesh ishte, Çiljeta Xhilaga.
Po le të kthehemi tek “Big Booty”, kur e dëgjova për herë të parë këngën mendja “djallëzore” më shkoi tek kënga “Booty” e Jennifer Lopez dhe Iggy Azalea dhe menjëherë e pyeta Çiljetën (me një mesazh në WhatsApp), tu harxhuan idetë që “vodhe” këtë titull të J.Lo?!
I menjëhershëm ishte edhe reagimi i këngëtares, “i kam kënduar të pasmeve 11 vjet më parë Suada dhe “booty” mesa di nuk është një fjalë që e ka shpikur Jennifer Lopez”.
Oops.. u kujtova që kënga “Dridhe” ose ( sa b****ën e mirë siç e njohin të gjithë shqiptarët), ka qenë një nga hitet e viteve 2000, një tjetër sukses për Çilin e asaj periudhe.
Por këtë herë ajo vjen ndryshe, me një stil “dance hall” duke performuar siç nuk e kishim parë kurrë më parë.
“Koha ndryshon, kështu që rriten edhe kërkesat ndaj vetes. Dua të jem gjithnjë në koherencë me trendet dhe rrymat muzikore. “Big Booty” duke qenë edhe një këngë provokuese, më lejon edhe të performojë dhe të kërcejë”, thotë për Opinion.al këngëtarja.
Pas tre vitesh mungesë në muzikë, Çiljeta solli këtë verë bashkëpunimin e shumëpritur me Noizyn “Gangsta Love”, por mesa duket pas kësaj kënge do ti rikthehet muzikës me kohë të plotë.
“ Big Booty mendoj se ishte materiali perfekt pas publikimit të “GangastaLove”. Madje këtë këngë kam dashur ta lançoj para saj, por i kisha një borxh shumë të madh fansave që më shkruanin mua dhe Noizyt duke pritur me padurim këngën “GangstaLove”.
Me siguri do bësh namin me koncerte, pasi kënga është shumë e kërcyeshme?!
Për hir të së vërtetës ftesat për koncerte nuk me kanë munguar edhe kur kisha tre vjet pa publikuar asnjë projekt të ri. Por modesisht koncerte kam shumë dhe mezi pres të jem afër publikut tim”, thotë këngëtarja.
Sigurisht që nuk mund mos ta pyesim Çilin edhe për dashurinë e saj më të madhe, Fernandon e vogël. “Po jetojmë të dy dhe nuk ka kënaqësi më të madhe se të zgjohesh me të çdo mëngjes. Këtë vit e kemi rregulluar (edhe prishur) njëkohësisht pemën të dy dhe këto festa po i kalojmë shumë bukur me njëri-tjetrin”, përfundon këngëtarja.
http://youtu.be/ZQ0rl1Ua5do
