Kjo javë ishte më pak intensive në ‘Opinion’, për shkak të zhvillimeve që erdhën nga aktualiteti.
Ditën e hënë “Opinion” trajtoi heqjen e ndihmës ekonomike të mijëra familjeve nga qeveria Rama: “Kush po e rrit varfërinë në vend”, ishte pyetja e drejtuesit për panelin në studio. Audienca maksimale në këtë emisioni ishte 35.7% dhe audienca mesatare 27.6%. Ky ishte emisioni më i ndjekur i kësaj jave.
Ditën e martë dhe të mërkurë në “Opinion” është transmetuar një dokumentar kushtuar masakrës së familjes së Adem Jasharit dhe bombardimeve të NATOS, dokumentari i realizuar për Millosheviçin, nga gjigandi BBC, i cili vendoste përball të gjitha palët, shqiptaret dhe serbet dhe komunitetin ndërkombëtar, duke përfshirë edhe intervista me disa nga liderët botëror.
Por duket se në të dyja ditët e transmetimit të dokumentarit është shënuar një audiencë e ulët krahasuar me dy emisionit e tjera. Ditën e martë audienca mesatare në emision ishte 18.4% dhe audienca maksimale 35.7%.
Ditën e mërkurë ku sërish u transmetua dokumentari për luftën e Kosovës audienca mesatare 18.4% dhe audienca maksimale 25.4%, duke shënuar emisionin më pak të ndjekur “Opinion” për këtë javë.
Ditën e enjte ku u fol për pikëpyetjet e lobimit të PD-së në Amerikë, audienca mesatare ishte 20.1% dhe audienca maksimale arriti në 29.0%.
Duket se emisioni që dominoi këtë javë në shikueshmëri ishte ai i ditës së hënë, ku u fol për heqjen e ndihmave ekonomike, temë e cila prek drejtpërdrejtë ekonominë e mijëra familjeve shqiptare./G.Z -Opinion.al
