Largimi i Nasip Naços nga Ministër i Drejtësisë dhe zëvendësimi i tij me Ylli Manjanin, më shumë se sa një lëvizje personale, u pa si një strategji politike e Ilir Metës për t’i imponuar Edi Ramës ndryshime në qeveri. Meta ka këmbëngulur që nga shtatori për ndryshime në kabinetin qeveritar, duke i ruajtur këto “impulse të reja”, por përgjigja e Edi ramës ka qenë refuzuese. I gjendur përballë këtij refuzimi, meta veproi vetë, duke kërkuar zëvendësimin e Naços dhe duke lënë të kuptohet që do ketë të tjera. Ai vetë e falenderoi Naçon duke deklaruar se: “ikja e tij do t’i hapë rrugë ndryshimeve në qeveri”.
Pas largimit të Naços, burime shumë të besueshme brenda LSI i thanë Opinion.al se në javët në vijim priteshin dorëheqje ose ndryshime të reja. Shtypi përmendi emrat e Klajda Gjoshajt dhe Edmond Haxhinastos, por që të dy këta i përgënjeshtruan. Ndërkohë a vijon LSI të mendojë se ka nevojë për ndryshime qeveritare apo Meta pas disa takimeve intensive me Ramën ka ndryshuar mendim?! Nëse jo, a do ketë këtë javë apo ato në vijim një tjetër dorëheqje? Vështirë ta thuash, por kjo do të jetë prova nëse Meta ka dashur vërtet ndryshime në qeveri për t’i dhënë impulse të reja, apo thjeshtë i kë bërë shantazh Ramës për t’i marrë ndonjë favor, duke e kërcënuar me dorëheqjet! Mbetet për t’u parë…
www.opinion.al
