Edhe pse një nga njerëzit më të suksesshëm në ndryshimin e botës me anë të teknologjisë, Bill Gates ka vendosur rregulla strikte për mënyrën se si fëmijët e tij mund ta përdorin teknologjinë. Miliarderi filantropist e ka pohuar këtë fakt në intervista të shumta.
Sipas “Business Insider” secili prej tre fëmijëve të Gates, të moshës 15, 18 dhe 21 vjeç, janë rritur në një shtëpi që i ka të ndaluar telefonat celularë deri në moshën 14 vjeç, e ka të ndaluar përdorimin e telefonave celularë në tryezën e darkës dhe ka vendosur kufizime oraresh për përdorimin e tyre.
Gates i tha “Mirror” se fëmijët e tij ankohen vazhdimisht se fëmijët e tjerë i marrin telefonat e fundit shumë më herët se ata, por lutjet e tyre nuk ndikojnë për të ndryshuar politikën e tij. Në një intervistë të veçantë me Matt Lauer, në Show Sot, Gates tha se ai nuk shkon aq larg sa të ketë fjalëkalimet për llogaritë e fëmijëve të tij, por shtoi se siguria online është “një çështje shumë e ndërlikuar për prindërit”.
Joe Clement dhe Matt Miles, bashkëautorët e librit të fundit “Screen Schooled: Dy mësues veteranë ekspozojnë mënyrën se si përdorimi i teknologjisë është duke i bërë fëmijët tanë të dërdëllisur”, insistojnë në faktin se pse krijuesit e teknologjisë e ndalojnë atë për fëmijët e tyre.
“Çfarë dinë këta drejtues të pasur të teknologjisë për produktet e tyre që konsumatorët e tyre nuk e dinë?” shkruajnë ata .
Përgjigjja, sipas një dëshmie gjithnjë në rritje, është varësia që vjen nga teknologjia digjitale. Gjatë muajve të fundit, një numër i drejtuesve të Silicon Valley kanë denoncuar fuqinë gjithëpërfshirëse të Apple, Facebook, Google dhe Twitter në vjedhjen e vëmendjes së përdoruesve nëpërmjet produkteve dhe platformave të tyre./E.M
