Kryeqyteti vijon të jetë vatra më e nxehtë sa i takon numrit të personave të infektuar nga Covid 19. Pore edhe brenda Tiranës ka zona që shfaqin një përhapje më të lartë të virusit, ndërsa epidemiologët flasin për transmetim komunitar.
Në një intervistë në TV Klan, epidemiologia Ermelinda Murataj thotë se në kryeqytet kryhen rreth 300 testime në 24 orë, ndërsa zona e ish-bllokut është një ndër vatrat më të nxehta sa i takon pozitivitetit të testimeve të kryera.
“Kemi 9 grupe në terren. Ish-Blloku, Komuna e Parisit, Medar Shtylla Njësia 8, Kombinati, Kodra e Diellit, Astiri, janë zonat më të nxehta në kryeqtet, shkak dendesia e popullisë, lloji i popullatës, etj”, është shprehur epidemilogia Ermelinda Murataj.
Duket se problematikë në këtë situatë mbeten të rinjtë, të cilët për shkak të stilit të jetesës janë edhe përhapësit kryesorë të virusit.
“Janë të rinj që qëndrojnë në kafe, klube. Kemi infeksione në institucione dhe në familje”, thotë mjekja.
Epidemiologët rekomandojnë që popullata të përdorë maska dhe të jenë të kujdesshëm me ruajtjen e distancimit fizik, veçanërisht në zonat ku prania e virusit është më e lartë./Opinion.al
