Gjykata e Tiranës ka njohur këtë të premte dhe ka regjistruar statutin e Kuvendit të Partisë Demokratike të 11 Dhjetorit 2021 të thirrur nga ish-kyeministri, Sali Berisha.
Ligjërisht, tashmë Komisioni i Rithemelimit do të drejtojë Partinë Demokratike.
Po ashtu, njihen të gjitha vendimet e Kuvendit të PD të 11 Dhjetorit, përfshirë ndryshimin e logos, vulën dhe flamurin e PD-së. Ndër të tjera njihet shkarkimi i të gjithë strukturave drejtuese të PD-së.
Por cilat janë ndryshimet në statut që u vendosën në Kuvendin e 11 Dhjetorit?
Kuvendi vendosi:
-Parimi një anëtar, me qëllim të forcohet anëtarësia. Të zgjedhin kryetarët e degëve.
-Votimet primare, kandidatët për Parlamentin dhe organet vendore kanë të drejtë t’i zgjedhin anëtarët
-Për të garantuar dhe forcuar lirinë e fjalës, fusim në statut fraksionet, partia bëhet më e madhe duke u bashkuar dhe jo duke u ndarë.
-Kryetari duhet të udhëheq në bazë të vullnetit të anëtarësisë.
-Organet do të bëhen fleksible dhe me fuqi vendimmarrëse, anëtarët do të zgjidhet me votë të fshehtë. Mbaron koha që kryetari emëron
-Kryetari që humb zgjedhjet, pavarësisht arsyes i mbaron mandati menjëherë. Ky mekanizëm rrëzon kultin e individit.
-Organizatat partnere, përveç lidhjes së gruas dhe të FRPD është shtuar dhe grupi Dhjetor 90’, të cilat do të kenë kuota më të mëdha dhe më shumë liri.
-Logot dhe simbole janë shumë të rëndësishme. Me këtë statut ndryshon log, vula e kryetarit të PD, vula që ka kryetari deri sot nuk do të ketë vlerë nesër.
-Të gjithë organet do të futen në një garë dhe në një ristrukturim për t’u përgatitu për një opozitë të vërtetë.
-Ne propozojmë që me statut, që të ngrihet një komision i përkohshëm me figura dhe me autoritet. Ky organ do të garantoj deri në një fazë të dytë, kur të zgjidhet kryetari i ri dhe organet e reja./Opinion.al
