Ekspozimi i madh në diell gjatë periudhës së verës, sjell edhe një prej shqetësimeve më të mëdha për sa i përket djegies së lëkurës. Një dhimbje e tillë mund t’ju lërë pa gjumë dhe mund të shkaktojë edhe temperaturë të lartë apo ethe. Por ekzistojnë metoda natyrale, me përbërës të cilët gjenden lehtësisht në çdo shtëpi.
Kosi – Ky produkt është edhe më i njohuri për sa i përket lehtësimit të djegieve. Kur vendosni kosin në lëkurë menjëherë përjetoni një ndjesi freskie dhe jeni më të lehtësuar. Lëreni gati 20 minuta në lëkurë deri sa të përthithet.
Aloe Vera – Xheli çudibërës i kësaj bime është edhe shumë i mirë për problemet e lëkurës. Ai ka veti kuruese dhe ripërtëritëse, dhe gjithashtu do ndiheni të lehtësuar.
Qumështi – Me anë të një nape të zhytur në qumësht, ju mund të lehtësoni djegiet. Qumështi ka veti ushqyese për lëkurën dhe do ju qetësojë.
Të bardhat e vezës – ato janë ndoshta mjeti më i fuqishëm shtëpiak kundër djegieve, sepse zbut dhembjen, bën që vendi i djegur të shërohet më shpejt, dhe parandalon krijimin e flluskave.
