TIRANË- Kryebashkiaku i Tiranës, Erion Veliaj është vënë në krye të një nisme kundër ndotjes që ka në thelb lëvizjen me biçikleta. Gjatë gjithë javës së kaluar ai është shfaqur nëpër aktivitete promovuese, por sot ka dhënë shembullin personal. I thirrur në një mbledhje që kryetari i PS, Edi Rama kishte organizuar në selinë e socialistëve me kryetarë bashkish, deputetë dhe koordinatorë, Veliaj përshkoi rrugën Bashki-PS në majë të biçikletës. Një segment i shkurtër, që në fakt mund të bëhej edhe në këmbë. Por jo, Veliaj ka preferuar biçikletën… Jo vetëm kalimtarët por edhe kolegët e tij e kanë ndjekur me sy, kryebashkiakun e kryeqytetit i cili si një sportist i vërtetë ka lënë makinën luksoze dhe truprojat dhe i ka hipur biçikletës. Për t’u lavdëruar kjo! Por do ishte mirë që kryebashkiaku i ri ta shoqëronte këtë nismë edhe me masat konkrete që favorizojnë lëvizjen me biçikleta për qytetarët. Korsitë e reja për dyrrotëshet, lirimin e korsive egzistuese nga mjetet e parkuara, sinjalistikë, etj.
