Çiklisti Qëndrim Guri është aksidentuar me biçikletën e tij në Rio.
Mediat ndërkombëtare raportuan se 22vjeçari është goditur nga një automjet teksa ngiste biçikletën e tij në “Avenida das Americas”.
Ngjarja ka ndodhur sot rreth orës 14:00 në kohën lokale në Brazil, ndërsa raportohet se Guri është dërguar menjëherë në emergjencë.
Pas aksidentit ai u dërgua në spital dhe ndodhet në gjendje të qëndrueshme.
Sipas “Daily Mail”, çiklisti Olimpik i Kosovës qëndroi i shtrirë në rrugë për rreth 40 minuta në pritje të ambulancës.
Ndërsa gazeta braziliane “Santa Cruz News” thotë se Komiteti Olimpik nuk pranoi të komentonte këtë incident. Çiklisti nga Kosova e mbylli garën e tij më 6 gusht, por shfrytëzoi një tjetër mundësi për të marrë pjesë në këto lojëra.
