Kronikë

Cikli i vrasjeve në Lushnje/Kush është rivali i Aldo Bares që i iku RENEAs


Bëhu pjesë e Grupit Zyrtar të Opinion.al
>> KËTU <<
               Publikuar në : 17:38 - 28/07/20 |
Al Do

Policia njoftoi sot zbardhjen e ngjarjes ku mbetën të vrarë Zaimir Latifi dhe Jurgen Hoxha si dhe bëri të ditur se dështoi operacioni për  kapjen e njërit nga autorëve, Laert Haxhiu.

Ky është një emër jo pak i njohur për drejtësinë. Megjithëse është vetëm 28 vjeç, Laert Haxhiu është i përfshirë në vrasje, plagosje, vjedhje, trafik droge etj.

Ai dyshohet se ka vrarë Gerti Lalën kur ishte vetëm 18 vjeç. Më 8 korrik të vitit 2010, Gerti Lala, i njohur me nofkën “Iriqi”, eksponent i rëndësishëm i bandës së Aldo Bares në Lushnje, mbeti i vrarë pas goditjeve me thikë dhe plumbave në kokë.

Për këtë ngjarje, Laert Haxhiu u dënua me 32 vjet burg, por me vendim të Gjykatës së Apelit ai u lirua pas tri vitesh. Lirimi i tij u argumentua me mungesën e provave.

Ai doli nga burgu në fund të 2014-s, ndërsa u arrestua sërish në qershor të vitit 2015 në Durrës, për trafik heroine gjatë operacionit të koduar “Smart”, ku u sekuestrua një sasi prej 1.2 kg heroinë. Gjatë operacionit për arrestimin e tij, Laert Haxhiu tentoi të arratisej me këmbë dhe u hodh nga një mur i lartë 4 metra, ku theu këmbën.

Në momentin e prangosjes, ai i tha Policisë se u largua pasi mendoi se ishin njerëzit e Aldo Bares që e ndiqnin dhe u frikësua. Në fund, Gjykata e Durrësit e dënoi Haxhiun për moskallëzim krimi, duke dhënë 17 muaj burgim për të, pavarësisht se Prokuroria e Durrësit kërkoi dënimin e tij me 8 vite burg si i përfshirë në trafik droge. “Gjykata, në bazë të neneve 379 e vijues të K. Pr. Penale, vendosi: 1- Të deklarojë fajtor të pandehurin Laert Haxhiu, për veprën penale “moskallëzim krimi”, dhe në bazë të N.300/1 të K. Penal e dënon me 26 (njëzetë e gjashtë) muaj burgim.

Në aplikim, iu ul 1/3 e dënimit, duke e dënuar përfundimisht të pandehurin Laert Haxhiu me 17 muaj e 10 ditë burgim. Vuajtja e dënimit të pandehurit Laert Haxhiu i fillon nga dita e arrestimit, datë 10.6.2015″, thuhet në vendimin e dhënë më 19 maj të vitit 2016 nga Gjykata e Durrësit.

Por konflikti kryesor i Lart Haxhiut është ai me Alfred Shkurtin, i njohur ndryshe si Aldo Bare, i cili ndodhet në burg. Në këto rrethana, Lart Haxhiu ka vendosur të godasë Xhulio Shkurtin, nipin e Bares.

Në shtator të vitit 2016, “Nga deklarimet e shtetasit Xhulio Shkurti rezulton se rreth orës 16:00, ai ka qenë duke ecur në këmbë në lagjen “Çlirimi”, në trotuarin e rrugës përpara furrës së bukës “Zeneli”, të shtetasit Din Zeneli së bashku me shokun e tij, shtetasin Saimo Xheliu. Në atë çast përballë tyre në rrugë ka ndaluar një autoveturë e bardhë tip Smart, me targa italiane e drejtuar nga i pandehuri Laert Haxhiu. Ky i fundit kishte në dorë një pistoletë me të cilën ka qëlluar në drejtim të tyre, derisa i mbaruan fishekët e pistoletës.

Një nga plumbat e pistoletës të të pandehurit ka qëlluar Xhulion në këmbën e majtë, ndërsa një tjetër ka goditur shtetasin Saimo Xheliu në pjesën e barkut. Pasi i kanë mbaruar fishekët e pistoletës i pandehuri i ka thënë Xhulios: “Nuk e ke të gjatë ti!”. Më pas e ka fyer dhe ka vazhduar rrugën me autoveturën e tij drejt kryqëzimit të gjimnazit “18 Tetori”.

Për këtë ngjarje Laert Haxhiu u dënua me 31 vjet burg, por nuk u arrestua asnjëherë.

Një vit më vonë Haxhiu do të kryente atentatin e dytë ndaj Xhulio Shkurtit por do të dështonte sërish. Në tetorin e vitit 2017 u vra Jurgen Hoxha dhe Zamir Latifi të cilët u qëlluan me breshri kallashnikovi teksa ishin duke pirë kafe në një lokal pranë “Urës së Përroit”. Objektivi kryesor i sulmit ishte Xhulio Shkurti, i cili vetëm 10 minuta para ngjarjes ishte larguar nga lokali ku po pinte kafe me miqtë e tij.

Dyshohet se bashkëpunëtori i Haxhiut në këto ngjarje është Orges Bilbili. Ai u kap pak muaj më parë rastësisht nga një patrullë në Tiranë. Bilbili dyshohet edhe si bashkëpunëtor i pilotit italian, Giorgio Riformato, avioni i të cilit ngeci në bregdetin e Divjakës, teksa po përgatitej për të trafikuar lëndë narkotike nga Shqipëria për në Itali.

Haxhiu dhe Bilbili kanë konflikt të hapur me atë që quhet Banda e Lushnjes. Me urdhër të kreut të saj janë vrarë Luan Bilbili dhe Blerim Haxhiu. I pari xhaxhai i Orges Bilbilit dhe i dyti i afërmi i Lart Haxhiut. Banda e Lushnjes ka kërkuara për të vrarë edhe Shkëlqim Haxhiun, xhaxhain e Laert Haxhiut por nuk ia dolën dhe më pas i dogjën shtëpinë. Në vitin 2005 është vrarë djali i Shkëlqimit pasi ky i fundit rimori lokalin e tij në Lushnje i cili ishte zaptuar nga banda e Aldo Bares. /Opinion.al

Pas