Burrë e grua me origjinë shqiptare janë aksidentuar mëngjesin e sotëm në rrugën “Egnatia Odou”, në Veria të Greqisë.
Sipas mediave greke, bëhet me dije se shtetasi shqiptar, banues i përhershëm në Greqi ishte duke drejtuar një automjet me targa greke, me të cilin po udhëtonte drejt Selanikut së bashku me bashkëshorten e tij.
Gjatë udhëtimit, makina ka devijuar rrugën dhe është përplasur me barrierat mbrojtëse të rrugës.
Si pasojë e aksidentit, policia greke njofton se ka mbetur e plagosur rëndë bashkëshortja e drejtuesit të mjetit, e cila është dërguar menjëherë me urgjencë në spital.
Bëhet e ditur se më herët ka pasur reshje shiu dhe në momentin e ngjarjes sipërfaqja e rrugës ka qenë e lagur, kjo dyshohet të jetë bërë edhe shkak i humbjes së kontrollit të makinës.
Në vendngjarje ka mbërritur forca e Policisë Rrugore të Verisë, e cila po kryen hetimet paraprake për shkaqet e sakta, ndërsa janë zbatuar masat emergjente të qarkullimit rrugor./Opinion.al
