Kyl Myers nuk dëshiron të zbulojë nëse ajo është nëna e një djali apo një vajze. Ajo dhe bashkëshorti i saj, Brent, të cilët jetojnë në Shtetet e Bashkuara kanë zgjedhur të cilësojnë fëmijën/vajzën e tyre sipas një metode “krijuese gjinore”.
“Ideja është që ta shpëtojmë nga stereotipet. “Do i takojë asaj/atij të zgjedhë se çfarë seksi do të njohë për veten, sapo të jetë në gjendje të shprehë veten”, thanë prindërit shkruan Tg.com.
“Unë do të pres derisa të zgjedh vetë/ose të identifikojë se cili është prej të dyve. Kjo ndodh zakonisht rreth tre ose katër vjeç, kur shumica e fëmijëve fillojnë përcaktojnë veten me një përemër mashkull ose femëror”- ka thënë nëna.
Ndërkohë, vetëm të afërmit e ngushtë e njohin identitetin gjinor të Zoomer. Prindërit nuk duan që Zoomer të rritet i/e kufizuar nga një kulturë e stereotipeve gjinore tradicionale, ku vajzat e vogla vishen me fustane me trëndafila dhe ëndërrojnë të bëhen balerina, ndërsa djemtë luajnë me makina lodër dhe duan të bëhen astronautë. Sipas prindërve Zoomer duhet të jetë në gjendje të aspirojë të dyja.
“Gjithçka është për të gjithë”, shpjegon Kyl. “Ne i blejmë rroba uniseks dhe kur shkojmë së bashku në një dyqan, ne inkurajojmë Zoomer të zgjedhë rrobat që ai/ajo preferon”.
