Ata janë ndër më të vlerësuarit në kinematografinë turke dhe me projektet e tyre kanë bërë për vete mijëra fansa. Vitin e kaluar ata kurorëzuan dashurinë në martesë, ndërkohë që tani romanca e tyre ka shkuar në një tjetër nivel pasi do të bëhen prindër.
Mediat turke bëjnë të ditur se Fahriye Evcen është në pritje të ëmbël, madje është mësuar se ajo do të sjellë një jetë një djalë.
Si gjithmonë, këto informacione kanë dalë nga miqtë e tyre të ngushtë sepse ata kanë zgjedhur të mos e komentojnë në media. Dy aktorët Burak Ozcivit dhe Fahriye Evcen po e shijojnë pritjen e ëmbël në qetësinë e njëri-tjetrit dhe kanë vendosur të qëndrojnë larg sheshit të xhirimit për pak kohë, duke refuzuar projektet e ardhshme.
