Çdo vit ndarjet e çifteve të famshëm janë mëse të zakonshme. Sigurisht disa priteshin, e ndërsa disa të tjera vërtet mund të na kenë habitur të gjithëve. Në vitin 2016, ishte Brad dhe Angelina çifti që na la të gjithëve të shokuar, ndërsa këtë vit janë disa. Ne kemi renditur disa prej ndarjeve më të bujshme të 2017, duke shpresuar që deri në fund mos të kemi më ndarje.
Orlando Bloom dhe Katy Perry – Ata qendruan të lidhur nga janari i 2016, deri në mars të 2017. Lidhja e tyre premtonte shumë në fillim, por duket se nuk ishte e shkruar.
Fergie dhe Josh Duhamel – Dashuria 10-vjeçare e solistes së “Black Eyed Peas”, dhe aktorit të njohur, mori fund këtë vit. Ata së bashku kanë edhe fëmijë, por duket se nuk arritën ta shpëtonin dot dashurinë e tyre.
Ben Stiller dhe Christine Taylor – Kjo është një prej atyre historive që padyshim të shokon. Pas 17-vitesh martesë, dy aktorët vendosin ti japin fund martesës së tyre në fillim të vitit 2017.
Scarlett Johansson dhe Romain Dauriac- Aktorja e njohur dhe gazetari francez, u ndanë pas 3 vitesh martesë.
Darren Aronofsky dhe Jennifer Lawrence – Regjisori Hollivudian, dhe fituesja e çmimit “Oskar” u ndanë këtë vit. Lawrence ka deklaruar se do të shkëputet përkohësisht nga aktrimi këtë vit, për tu marrë me punë në fermë.
Selena Gomez dhe The Weeknd – Historia e tyre ishte një nga më të pëlqyerat në botën e show-bizz. Mirëpo, Selena vendosi që të rikthehej me ishin e saj, Justin Bieber në tetor të këtij viti.
Anna Faris dhe Chris Pratt – Ndarja e tyre padyshim mund të cilësohet si “ndarja e vitit”. Këtë verë ata u divorcuan pas 8 vitesh martesë.
