Fushata e këtij viti, është shumë intensive dhe të gjithë partitë po mundohen të gjejnë mënyra nga më të ndryshmet për të marrë suksesin e datës 25 qershor. LSI duket se e ka çuar flamurin e saj shumë larg. Madje deri te këngëtarët me famë botërore. Chris Brown, një prej këngëtarëve më të dashur për publikun, është fotografuar me flamurin e LSI-së në Uashington. Por kjo nuk është e gjitha, sipas mesazhit të publikuar nga faqja zyrtare e kësaj partie, duket se këngëtari do të jetë i ftuar në Shqipëri për të performuar në mitingun përmbyllës të kësaj partie.
“Edhe yjet botërore e dinë që LSI është forcë e parë dhe e paparë. Këngëtari i famshëm Chris Brown i bashkohet Uraganit LSI. E mirëpresim në Tiranë, në festën tonë të fitores, më 25 qershor….”, thuhet në publikimin e LSI-së.
