Në Chicago të Shteteve të Bashkuara të Amerikës Lori Lightfoot është zgjedhur kryebashkiake. Ajo bëhet gruaja e parë afroamerikane dhe homoseksuale e cila zgjidhet kryebashkiake e një prej qyteteve më të mëdha të Shteteve të Bashkuara të Amerikës. Ish-prokuroja federale e ka pranuar publikisht orientimin e saj seksual dhe duket se nuk ka pasur asnjë ndikim negativ në rezultatin e zgjedhjeve.
Lightfoot fitoi në raundin e dytë të votimeve me 73,7% të votave, kundrejt 26,3% që arriti të mbledhë Toni Preckwinkle, edhe ajo afroamerikane. Fushata zgjedhore e 56-vjeçares Lori Lightfoot u bazua në luftën kundër korrupsionit dhe te një përgjegjësi më e madhe për efektivët e policisë në rast abuzimi me pushtetin./Opinion.al
