Charlize Theron është treguar gjithnjë e hapur në lidhje me të kaluarën e saj, vecanërisht në lidhje me vrasjen e babait dhe ndikimin që nëna ka pasur në jetën e saj.
Në në intervistë për NPR, aktorja fituese e çmimit “Oscar” rrëfeu ngjarjet e qershorit të vitit 1991, kur babai i saj, Charles Theron, i kërcënoi nënën, Gerda, e cila e vrau më pas për vetëmbrojtje.
Theron tregoi se ishte vetëm 15 vjeç kur i ati, hyri në shtëpinë e familjes në Johannesburg dhe qëlloi disa herë nëpërmet një dere pas së cilës qëndronte aktorja me nënën e saj.
“Babi ishte aq i pirë sa s’ishte në gjendje të ecte kur u kthye në shtëpi me armë në dorë. Unë dhe mami ishim në dhomën e gjumit, duke ushtruar presion pas dere sepse ai insistonte të hynte brenda. Të dyja po mbanim derën mbyllur me forcë që të mos hynte ai. Babi bëri ca hapa pas dhe qëlloi me armë tre herë derën. S’na kapi asnjë nga plumbat. Ishte një mrekulli. Për të mbrojtur veten, ajo i dha fund kërcënimit.” shtoi aktorja.
Charlize e përshkroi të atin si “një njeri i sëmurë” dhe “i alkoolizuar teksa tha se ngjarja e frikshme la shenjë në jetën e saj.
“Dhuna në familje, kjo lloj dhune brenda familjes, është diçka që e kam përjetuar unë dhe shumë të tjerë. Nuk më vjen turp të flas në lidhje me këtë sepse mendoj se sa më shumë të flasim për tema të tilla, aq më e qartë bëhet që s’jemi të vetmit që e vuajmë. Për mua, kjo ngjarje përkufizon më së miri si është të rritesh nga një njeri i varur dhe se çfarë i bën varësia dikujt. E njihja vetëm si të alkoolizuar. Ishte një situatë e pashpresë. Familja jonë kishte ngecur me të. Ishim një familje shumë e pashëndetshme dhe mendoj se çfarë ndodhi, na la shenjë. Sigurisht, do të doja të mos kishte ndodhur kurrë çfarë ndodhi atë natë, por për fat të keq, janë të pashmangshme të tilla situata kur nuk e zgjidh problemin në rrënjë.”, tha ajo./Opinion.al
