Janë luajtur në prag mbrëmje dy ndeshjet e para të së mërkurës së Champions League. Wolfsburgu nuk është shqëtësuar shumë nga i ftohti rus, pasi ka mundur ekipin e CSKA e Moskës me rezultatin 2-0. Me tre pikët e fituara sot Wolfsburgu shkon në kuotën e 9 pikëve dhe mban vendin e parë në grupin B.
Kualifikimi në Champions sa vjen dhe po venitet për skuadrën ruse që pas humbjes në kampionat, shënon një tjetër disfatë në shtëpi kundër Volfsburgut. Përballja ka pasur shumë ritëm, por pak raste të rrezikshme, ku golat kanë ardhur vetëm pas pushimit.
Një gabim i portierit të CSKAsë, Akinfev i dhuron miqve avantazhin, ndërsa në fund të sfidës Shyrrle i jep qetësinë Volfsburgut, duke shënuar dhe golin e dytë.
Në ndeshjen tjetër Benfika dhe Astana, kanë ndarë një barazim 2-2, duke u mjaftuar me vetëm 1 pikë në sfidën e parë të Grupit C. Skuadra portugeze ka shansin më të mirë të “gozhdojë” kreun, por nuk arrin të përfitojë dot, ndaj dhe duhet të presë ndeshjet e kundërshtarëve në grup që luhen në mbrëmje.
