Janë mbyllur ndeshjet e sotme të Champions League. Dy lajmet më të mëdha të mbrëmjes janë triumfi i Juventusit 0-3 ndaj Barcelonës dhe eliminimi që në grupe i Manchester United.
Britanikët u mposhtën me rezultatin 3-2 nga Lajpcigu. Juventusi arrin të mbyllë fazën e grupeve me pikë të barabarta me Barcelonën, por duke qenë se në dy përballjet direkte bardhezinjtë kanë shënuar më shumë gola ndaj katalanasve, renditen dhe me matematikë në vendin e parë të grupit G.
Ndërsa në grupin E, Chelsea dhe Krasnodar e kanë mbyllur në barazim 1-1 kurse Sevilla nuk toleroi në transfertë duke mposhtur Rennes 1-3.
Tetë ekipet e para që kalojnë grupet e Champions League janë Chelsea, Sevilla, Lazio, Borussia Dortmund, PSG, Leipzig, Juventus dhe Barcelona./ Opinion.al
