Është mbyllur në barazim 2-2 ndeshja kryesore e së mërkurës në Champions League mes Juventusit dhe Atletico Madrid. Takimi i vlefshëm për Grupin D të kompeticionit më të rëndësishëm europian nisi me ritme të ngadalta me të dyja ekipet që studionin njëra-tjetrën. Me raste të pakta shënimi dhe me rezultatin 0-0 u mbyll dhe pjesa e parë e takimit.
Pjesa e dytë do të ishte krejtësisht ndryshe nga e para torinezët tregojnë “dhëmbët” dhe shënojnë të parët në minutën e 48 me Cuadrado. Në minutën e 65 Matuidi dyfishon rezultatin me një goditje me kokë falë një krosi perfekt të ardhur nga krahu i majtë. Vendasit nuk e pranuan asnjëherë këtë rezultat dhe në minutën e 70 shkurtuan rezultatin me anë të Saviç. Edhe kaq nuk mjaftoi për Atletico Madrid, ndërsa në minutat e fundit arritën barazimin.
Me një Di Maria në formë të jashtëzakonshme, PSG e ka zhytur në krizë Realin e Madridit, duke e mposhtur 3-0 në ndeshjen e parë të grupeve në Champions League.
Argjentinasi realizoi dy gola spektakolarë në pjesën e parë, duke i dhënë një shuplakë të fortë ish-skuadrës së tij.
Edhe pse pa Mbappe, Neymar apo Cavani-n, PSG vazhdoi edhe në pjesën e dytë të dominoi skuadrën e Zidane e cila ishte e shpërfytyruar. Në fundin e ndeshjes Meunier vulosi rezultatin duke shënuar edhe golin e tretë.
Bayern Munich e ka nisur mbarë këtë sezon në Champions League, duke marrë një fitore të pastër 3-0 ndaj skuadrës serbe të Crvena Zvezda. Kampionët e Gjermanisë dominuan totalisht këtë takim, duke krijuar raste të panumërta për shënim.
Atalanta debutoi në Champions League këtë të mërkurë pas një sezoni të jashtëzakonshëm në Champions League, por në ndeshjen e parë në grupe ka zhgënjyer, duke u mposhtur thellë 4-0 nga Dinamo e Zagrebit./ Opinion.al
