Manchester City i Pep Guardiola akumulon lëvdata në këtë fillimsezoni. Në vitin e tij të parë në “Etihad”, trajneri katalanas ka 10 fitore në 10 ndeshje. As Barcelona dhe as Bayern Munich, nuk e kanë nisur aq mirë sa ish-trajneri i tyre katalanas. Pra, Manchester City është në rrugën e duhur për të kapur majat në futbollin anglez. “Unë nuk jam i fokusuar në ndonjë rekord. Ajo që dua ndaj Celtic është të luajmë mirë dhe të përsëritim atë që kemi bërë këtë muaj,” – pranoi Guardiola në “Celtic Park”.
Por ka edhe më shumë. Pep Guardiola ka 6 fitore radhazi në po kaq ndeshje të para në Premier League, i barabartë me ardhjen e Carlo Ancelottit në krye të Chelsea, në sezonin 2009-2010. Një nisje e shkëlqyer, për të cilën pritet të shtohen më shumë shënime. 9 fitoret radhazi, me të cilat e nisi Mourinho aventurën e tij në krye të Chelsea, në Premier League, sezoni 2005-2006, janë rekordi në këtë drejtim. “Është e pamundur për të fituar çdo ndeshje, e di se një ditë edhe ne do të humbasin”, – ka thënë Pep. Deri më tani, skuadra e tij është si një rul, që shkel çfarëdo i del përpara.
10 fitoret e Pep Guardiola në “Etihad”
Manchester City – Sunderland 2-1 (Premier)
Steaua – Manchester City 0-5 (Champions)
Stoke – Manchester City 1-4 (Premier)
Manchester City – Steaua 1-0 (Champions)
Manchester City – West Ham 3-1 (Premier)
Manchester United – Manchester City 1-2 (Premier)
Manchester City – Borussia Mönchengladbach 4-0 (Champions)
Manchester City – Bournemouth 4-0 (Premier)
Swansea – Manchester City 1-2 (Copa de la Liga)
Swansea Manchester City 1-3 (Premier)
