Në Cardiff do të përballet një nga skuadrat më të suksesshme në finale të Championsit kundër një nga më të këqijve. Rrugët e Real Madridit dhe Juventusit në këtë “stacion” të kompeticionit më të rëndësishëm të klubeve në Europë kanë qenë të kundërta: të bardhët kanë luajtur 14 finale dhe kanë fituar 11 prej tyre, ndërsa bardhezinjtë kanë fituar vetëm 2 finale nga 8 të tilla të luajtura. Gjithashtu, kohët janë antagoniste: Real Madridi humbi në finalen e vitit 1981 kundër Liverpool, ndërsa dy herët e tjera: viti 1962 (Benfica) dhe 1964 (Inter). Juventusi, nga ana tjetër, e fitoi titullin e tij të fundit në Champions në vitin 1996. Prej asaj kohe ka dështuar në katë finale të tjera: 1997 (Borussia Dortmund), 1998 (Real Madrid), 2003 (Milan) dhe 2015 (Barcelona).
Efektiviteti i lartë i Real Madridit në finalen e Champions është në kontrast të plotë me Juventusin. Të bardhët kanë triumfuar në 78.6% të finaleve, ndërsa bardhezinjtë vetëm në 25% të tyre. Përqindja fituese e Real Madridit e tejkalon atë të Liverpool (pesë tituj në shtatë finale, 71.4%), të Milanit (shtatë tituj në 11 finale, 63.6%) dhe të Barcelonës (pesë tituj në tetë finale, 62.5%). Juventus bie nën humbësit e tjerë klasikë, si Benfica (dy tituj në shtatë finale, 28.6%) dhe Bayern Munich (pesë tituj në dhjetë finale, 50%). Edhe pse dy tituj e tij (1985 dhe 1996) erdhën kundër kampionëve në fuqi të Europës.
