Juventusi do të përballet mbrëmjen e sotme me Cagliarin në Serinë A, por gjithë vëmendja është te ndeshja e javës së ardhshme kundër Ajaksit. Trajneri Massimiliano Allegri ka thënë se është shumë e vështirë që Ronaldo të jetë në dispozicion për ndeshjen e parë.
“Është e vështirë që Cristiano Ronaldo të luajë në Champions, por kemi ende besim se mund ta rikuperojmë pasi ai po punon shumë për këtë. Do llogarisim edhe nëse mund të luajnë ndaj Cagliarit, Mandzukic e Dybala pasi i pari ka temperaturë, ndërsa tjetri ka një problem muskulor në pulpë”, tha trajneri i Juventus.
Ronaldo u dëmtua në ndeshjen e kombëtares së Portugalisë dhe mendohet të qëndrojë jashtë fushave për rreth tre javë./Opinion.al
