Dasma e këngëtarit Sinan Hoxha nuk kaloi pa u vënë re, përkundrazi pati një jehonë të madhe në mediat rozë por edhe në rrjetet sociale. Dhe kjo ishte mësë e pritshme pasi në një dasëm ku ka shumë personazhe publikë edhe vëmendja do të jetë e madhe. Ne kemi bërë një vëzhgim dhe duam t’iu tregojmë se cfarë veshën disa prej personazheve në dasmën e kolegut të tyre… Shohim bashkë:
Motrat Gjoni
Inis dhe Ingrit Gjoni nuk mund të mungonin në këtë ceremoni, pasi janë mikesha shumëvjecare të këngëtarit. Të dyja kishin zgjedhur fustane klasike dhe të gjata, por Ingriti si gjithnjë ka preferuar gurët dhe shkëlqimin ndërsa Inisi kishte zgjedhur një fustan bust të kaltër.
Nora Istrefi & Robert Berisha
Përpara një viti ata i përjetuan vetë emocionet e ditës së dasmës. Cifti Berisha-Istrefi, kishin zgjedhur të bënin kontrastin kuq e zi në mbrëmjen e ditës së enjte. Nora kishte veshur një fustan të gjatë e të kuq, ndërsa Roberti një kostum të zi kombinuar perfekt me papionin e kuq.
Genta Ismajli
Një tjetër këngëtare nga Kosova ka qenë e ftuar në këtë dasëm dhe ajo ishte, Genta Ismajli. Këngëtarja kishte “harruar “të vishte të brendshme në këtë festë. Me shumë siguri Genta e ka ngatërruar pak nocionin e dasmës me klipet provokuese që realizon, por duket shumë mirë.
Leonora Jakupi
Elegante, shik dhe me shumë klas kështu ka preferuar të dukej atë mbrëmje këngëtarja, Leonora Jakupi. Ky fustan i zi me këtë rrip Louis Vuitton e tregojnë atë në formë të shkëlqyer fizike.
Ermal Mamaqi & Amarda Toska
Nuk mund të mungonin këtë mbrëmje as cifti simpatik, Ermal Mamaqi dhe Amarda Toska. Të dy ishin veshur me të zeza dhe dukeshin tejet elegant. Ami pas shtatzënisë shfaqet në formë të shkëlqyer.
Xhensila Myrtezaj
Këtë mbrëmje Xhensila ia kishte besuar veshjen e saj stilistet, Rezarta Skifeteri dhe duket se ka bërë zgjedhjen e duhur. Ky fustan ngjyrë qumështi e tregon të ëmblën Xhensilë përrallore. Por nëse do të bëhemi pak supersticiozë, thuhet se të ftuarit nuk duhet të veshin fustan të bardhë si nusja, por Andrra dukej e mrekullueshme atë natë andaj askush nuk arriti t’ia rrëmbente shkëlqimin.
Soni Malaj
Me format trupore që ajo ka aktualisht edhe “thes” po të veshë duket fantastike. Por këngëtarja Soni Malaj, kishte zgjedhur një fustan tejet klasik për këtë mbrëmje, që nxjerrë në pah hiret e saj.
Rozana Radi
Rozana ishte bërë shumë bionde për këtë event dhe kishte zgjedhur një fustan jeshil e të gjatë, deri në fund të këmbëve. Me këtë veshje del shumë në pah dekolteja e saj.
