Kryeministri Edi Rama gjatë qëndrimit në Nju Jork në kuadër të mbledhjes së Organizatës së Kombeve të Bashkuara, ka zhvilluar ditën e sotme një takim me Ndihmës Sekretarin e Shtetit, Philip Reeker, dhe të Dërguarin Special të SHBA për Ballkanin Perëndimor, Mathew Palmer.
Përmes një postimi në faqen e tij zyrtare në “Facebook”, Rama ka postuar foto gjatë këtij takimi ndërsa krahas tyre shkruan; “Me Ndihmës Sekretarin e Shtetit, Philip Reeker, dhe të Dërguarin Special të SHBA për Ballkanin Perëndimor, Mathew Palmer; dy miq të kahershëm të Shqipërisë e të shqiptarëve, njohës të sprovuar të çështjeve ballkanike dhe mbështetës të palëkundur të reformave demokratizuese në Shqipëri e të rrugëtimit evropian të vendit tonë”./ Opinion.al E.Xh.
