Mëngjesin e 3 janarit miliona njerëz u zgjuan me lajmin se SHBA-ja kishte urdhëruar vrasjen e e komandantit të lartë ushtarak iranian, Qasem Soleimani.
Presidenti i Shteteve të Bashkuara të Amerikës, Donald Trump, deklaroi se ai urdhëroi vrasjen e gjeneralit për të ndaluar luftën, jo për ta nisur atë ndërsa nga ana tjetër Irani u zotua për hakmarrje të ashpër.
Pas vdekjes së gjeneralit Soleiman, mediat amerikane kanë zbardhur edhe një deklaratë të tij për Trumpin në verën e vitit 2018.
Pasi Presidenti amerikan kishte kërcënuar Iranin në Twitter, gjenerali Soleiman në fjalimin e tij në një bazë ushtarake, tha se “komentet idiote” të Trumpit i ngjanin atyre të një “baristi ose menaxheri kazinoje”.
“Zoti Trump, kumarxhiu! Ti e di mirë fuqinë tonë në rajon dhe atë që jemi të aftë të bëjmë. Eja, po të presim. Ne jemi burrat e vërtetë. Ti e di që lufta do të thotë humbje për ty. Mund ta nisësh luftën, por ne do ta vendosim se si do të përfundojë ajo”, kishte deklaruar Soleimani në vitin 2018./Opinion.al
