Kreu i Partisë Demokratike, Lulzim Basha, të mërkurën, ka zhvilluar një takim për rreth 60 minuta në zyrën e tij në selinë blu me kryetaren e LSI-së, Monika Kryemadhi.
Takimi u zhvillua pak minuta para nisjes së mbledhjes së grupit parlamentar demokrat, në një kohë që nesër do të jetë edhe seanca parlamentare.
Mësohet se pas përfundimit të takimit, Partia Demokratike ka marrë vendimin për të qenë në seancën e nesërme parlamentare, duke mos e bojkotuar atë.
Burime nga selia blu, thanë për Opinion.al se opozita do të jetë nesër në Parlament për t’u përballur me Edi Ramën.
Ndërkaq, sipas grupit parlamentar të PD-së, Edi Rama duhet të ishte përjashtuar nga Kuvendi për fjalorin fyes ndaj shqiptarëve.
