Parlamenti mblidhet sot në seancë plenare dhe në rendin e ditës janë edhe dy kërkesat e Këshillit të Mandateve për imunitetin e deputetit Saimir Tahiri. Mësohet se votimi për Tahirin do të jetë i fshehtë.
Të hënën Rama në cilësinë e kreut të PS tha se mazhoranca do të votojë kundër heqes së imunitetit edhe pse e perjashtoi Tahirin nga grupi i socialisteve. Sakaq mëngjesin e sotëm ai ka mbledhur sërish grupin parlamentar për tu dhënë direktivat e fundit.
Pra, deputetët e parlamentit shqiptar do të vendosin sot me votim të fshehtë për rrëzimin apo miratimin e kërkesës së Prokurorisë për Krimet e Rënda për dhënien e autorizimit për arrestimin e ish-ministrit të Brendshëm, Saimir Tahiri.
Votimi, shihet nga analistët e politikës edhe si një test për unitetin e shumicës parlamentare përballë opozitës PD-LSI. A do të ketë rrjedhje votash sot? Si do të votojnë deputetet e partive të vogla si Tom Doshi apo Aqif Rakipi? Këto përgjigje merren sot në seancën për imunitetin e Saimir Tahirit. Opinion.al do të sjellë në kohë reale zhvillimet nga Parlamenti.
*Rendi i ditës i seances plenare
