Agjencia Amerikane e Aeronautikës dhe Hapësirës, NASA ka bërë me dije, së fundmi, se një asteroid i madh do të kalojë shumë pranë Tokës më 29 prill.
NASA e konsideron këtë ngjarje me rrezikshmëri të mundshme, pasi asteroidi me përmasa sa mali Everest, do të kalojë shumë pranë orbitës tokësore, por nuk do të përplaset me të.
Sipas shkencëtarëve asteroidi i emërtuar 52768, do të kalojë rreth 6 milionë kilometra pranë Tokës me një shpejtësi 8.7 km/sec.
Ai u zbulua për herë të parë në vitin 1998, dhe nuk futet tek ato lloj objektesh hapësinore që mund të krijojnë impakt me efekt shkatërrues.
Astronomët vlerësojnë se mundësia, që një asteroid të godasë Tokën në harkun kohor të 100 viteve, është 1 në 50 mijë./Opinion.al
