Kryetari i grupit parlamentar të LSI-së, Petrit Vasili, sot, i ftuar në emisionin “5 pyetje nga Babaramo”, ka deklaruar se pas dy javësh do zbardhen disa ngjarje të reja në lidhje me hetimet për trafikun e drogës dhe korrupsionin në vend.
Vasili foli për transferta parash jashtë vendit, të cilat janë fituar nga trafiqet dhe korrupsioni.
“Do ketë ngjarje të reja pas dy javësh. Të lidhura me krimin dhe trafiqet, bëhet fjalë për para të transportuara. Para të cilat kanë lëvizur jashtë Shqipërisë, të cilat janë të gjitha para jo të pastra, janë para të pista nga trafiqet dhe korrupsioni”, u shpreh Vasili.
