Presidenti Ilir Meta është shprehur përmes një postimi në rrjetet sociale se Shqipëria po përballet me rrezikun e shpopullimit.
Në reagimin e tij, Presidenti thotë se ky është “rreziku i vërtet rus” që po i kanoset vendit tonë. Sipas Metës kjo është sfida më madhore që kërkon urgjent dialog dhe zgjidhje për të kthyer shpresën tek qytetarët shqiptarë.
Po ashtu, Meta ka përmendur edhe 9 pikat e Bundestagut për Shqipërinë, duke thënë se këto pika janë harta për rrugën evropiane.
Reagimi i Metës
Kambanat e alarmit po bien! Stop shpopullimit të Shqipërisë!
Ky është “rreziku i vërtetë rus” që i kanoset vendit! Kjo është sfida më madhore që kërkon urgjent dialog, zgjidhje, dhe kthimin e shpresës për të gjithë shqiptarët! 9 kushtet e Bundestagut janë harta e rrugës së Shqipërisë europiane! Koha është tani! Nuk mund të ketë Shqipëri pa shqiptarë!/ Opinion.al
