Deputeti i PS, Erjon Braçe, ka thirrur në interpelancë qeverinë Rama për rritjen e çmimeve të frutave dhe perimeve. Lajmin e ka bërë të ditur vetë Braçe përmes një postimi në rrjetin social “Facebook”.
Braçe edhe më herët ka patur qëndrime kritike sa i takon çështjes së çmimeve dhe produkteve bujqësore,
Braçe shkruan se është detyra e qeverisë që të vendosë çmime të drejta për lëndët e para dhe produktet e bujkut.
“INTERPELANCE NE KUVEND ME #QEVERINE! CMIMET E USHQIMEVE/PERIMEVE FRUTAVE TE FRESKETA JANE RRITUR;
POR JO NGA FERMERI! Ndërkohe; CMIMET E LENDEVE TE PARA NE BUJQESI JANE TREFISHUAR! Kostot e bujkut janë rritur, çmimet e prodhimeve te tij JO!
Raporti mes çmimit te inputeve dhe çmimit te produktit te bujkut është tmerrësisht i padrejte: 1 kg URE kushton 110 leke, por 1 kg GRURE kushton 30 leke; 1 kg DAP kushton 110 leke,
por 1 kg MISER kushton deri 38 leke; 1 kg NITRAT kushton 90 leke, por 1 kg DOMATE (me e mira) kushton 50 leke! CMIMET E DREJTA TE LENDEVE TE PARA, POR EDHE PRODUKTEVE TE BUJKUT, JANE DETYRE E QEVERISE!”, shkruan Braçe./Opinion.al
