Në vetëm 48 orë, janë paraqitur për rë marrë ndihmë mjekësorenë spital, më shumë se 65 persona me simptoma helmimi në Bulqizë.
Pasi kanë marrë ndihmën mjekësore ata janë rikthyer në shtëpitë e tyre.
Klan Neës, raporton se pacientët janë paraqitur me të vjella dhe diarre nga disa fshatra dhe nga lagjja e re e Bulqizës.
Sipas informacioneve paraprake, dyshohet se banorët mund të jenë helmuar nga uji i pijshëm. Por, mjekët e spitalit thanë se banorët e helmuar nuk janë nga e njëjta zonë banimi, dhe për këtë arsye dyshohet të jenë prekur nga ndonjë virozë e stinës, apo konsum i produkteve të pakontrolluara.
Pritet të dalin rezultatet e analizave që të përcaktohet shkaku i saktë se nga vjen helmimi, ndërsa vijon situata problematike me pacientët që shfaqen me shenja helmimi në spitalin e Bulqizës.
