Ministri i Brendshëm, Fatmir Xhafa mblodhi në një takim drejtuesit e policisë për të analizuar situatën kritike me rendin dhe sigurinë, veçanërisht pas ngjarjes së bujshme të Elbasanit. Kjo ngjarje detyroi edhe drejtorin e përgjithshëm të policisë, Haki Çakon, që të shkonte në Elbasan me urgjencë. Por në takimin e sotëm Çako mungoi.
Lapsi.al mëson se ai është një vizitë zyrtare në Kinë dhe kjo ishte arsyeja e mungesës. Por një burim i policisë tha për lapsi.al se Xhafa e ka shfrytëzuar pikëisht mungesën e Çakos për t’u folur vetë drejpërdrejt vartësve të tij. Sipas këtij burimi marrëdhëniet mes ministrit të brendshëm dhe drejtorit të policisë nuk janë të mira. “Ato – thotë burimi i mësipërm – janë përkeqësuar pas ngjarjes së Elbasanit”, aq sa dy drejtuesit e rendit e kanë minimalizuar në maksimum komunikimin dhe mes tyre duket se ka nisur “një luftë e ftohtë”. Se kush do ta fitojë atë, pritet të vendosë kryeministri Edi Rama. /Lapsi.al
