Triumfi në YFSF e ka frymëzuar këngëtaren e njohur Beatrix Ramosaj të sjellë këngë të reja dhe projekte për të cilat ka kohë që po punon. Gjatë këtyre muajve në spektaklin e Tv Klan, Trixa ka spikatur jo vetëm me vokalin, por edhe me interpretimin e shumë karaktereve duke e prezantuar veten në një profil të ri si artiste.
Menjëherë pas spektaklit, Trixa ia ka nisur punës për të sjellë për të gjithë fansat një këngë të re. Por projekti do të ketë një surprizë. Nga sa kuptohet, pjesë e klipit do të jetë edhe Damiano i Bog Brother. Nuk dihet se ҫfarë i bëri bashkë këngëtaren dhe ish-banorin më të përfolur të Big Brother, por Damiano duket se e ka marrë me shumë entuziazëm këtë projekt në të cilin ai do të jetë i përfshirë, shkruan class
Në një foto të fundit që ka postuar me Trixën në Instagramin e tij, Damiano lajmëron se ata të dy po përgatiten për një projekt të ri që do të vijë së shpejti. Deri tani, rolin e Trixës e kemi të sigurt, ndërsa të Damianos jo. Nëse jo protagonist i klipit, ҫfarë mund të bëjë tjetër ish-banori i BB9?
