Kryeministri Edi Rama, shkarkoi dje në mënyrë të beftë tre nën/drejtorë në Drejtorinë e Përgjithshme të Doganave. Motivi i shkarkimit të paprecedent ishte kontrabanda në dogana dhe mos realizimi i planit të të ardhurave që kanë çuar në këtë vendim. Në fakt ditë më parë Opinion publikoi video-dëshminë e Ilir Çelës ish inpsketor i Kontrabandës në Drejtorinë e Përgjithshme të Doganave i cili denonconte kontrabandën që zhvillohej me dijeninë e vetë drejtuesve të Doganës. Çela shpjegonte me fakte si kalonin maunet me cigare dhe mallra të tjerë me akcizë, si ndryshohej dokumentacioni shoqërues i mallit nga doganat greke në atë shqiptare, si u zhduk kontenieri në doganën e Tiranës, i cili kontrollohej nga Croën Agents. Po kështu edhe emrat e kryedoganierëve të përfshirë në favorizimin e kontrabandës. Fakte të mjaftueshme për të vënë në akuzë çdo drejtues dogane të përfshirë në kontrabandë.
https://www.youtube.com/watch?v=LSGIlLgrdbY
