A do prishet apo nuk do prishet stadiumi “Qemal Stafa”? Dhe nëse po kur? Tashmë ngritja e një stadium të ri është kthyer në televonelë, edhe pse nevoja e Shqipërisë për një impiant të tillë është mëse e ngutshme. Ditët e fundit intesifikimi i zërave për prishje të mundshme në muajin janar dhe fillimin e punimeve për ndërtimin e stadiumit të ri, kanë ngrohur tifozët, por sa e vërtetë do të jetë këtë herë, kur tashmë është e ditur se kjo nuk është e hera e parë që jepet një afat për ndërtimin e stadiumit. I pyetur nga Opinion. Al, Eduard Prodani, drejtor i Stadiumit “Qemal Stafa”, ka ngritur supet duke thënë se nuk ka asnjë informacion për prishjen e stadiumit. Madje as nuk është informuar nga Federata për një vendim të tillë.
