Presidenti Ilir Meta, deklaroi sot para komisionit hetimor parlamentar se anuloi zgjedhjet vendore të 30 qershorit, sepse opozita nuk po merrte pjesë dhe duhej të mbronte të drejtën e qytetarëve për të zgjedhur.
Përpara komisionit parlamentar që po heton aktet e tij mbi zgjedhjet vendore, presidenti Meta përmendi precedentin e Bullgarisë në Gjykatën e Strasburgut.
Veç argumenteve ligjorë, tha se kishte ndikuar në vendimmarrjen e tij për shfuqizimin e 30 Qershorit si data e zgjedhjeve lokale, ishte edhe një informacion sekret, që kishte marrë në rrugë zyrtare se protesta e opozitës e 8 Qershorit, do të shfrytëzohej nga elementë të caktuar, për të djegur selinë e Parlamentit të Shqipërisë.
“Në datën 7 qershor kam marrë një informacion, i cili natyrisht që është sekret dhe i klasifikuar. Bënte të qartë se persona të caktuar do të përpiqeshin të shfrytëzonin mitingun e lajmëruar nga opozita për në datën 8 Qershor, edhe për djegien e Kuvendit të Shqipërisë.” Për këtë çështje do të diskutohet këtë të hënë në emisionin Opinion, ku ju mund ta ndiqni LIVE./ Opinion.al
