Komisioni Qendror i Zgjedhjeve ka njoftuar se do të shtyjë mbledhjen e sotme për miratimin e listave të kandidatëve për deputetë të PD-së që u dorëzuan mbrëmë pas mesnate në këtë institucion.
Në media u publikua vetëm një pjesë e listës së deputetëve, pra nga 140 kandidatë janë publikuar emrat e 75 prej tyre.
Opinion.al u interesua pranë PD-së si dhe pranë KQZ-së për të mësuar nëse gjatë paradites së sotme është plotësuar kjo listë.
Burimet thanë që JO, edhe pse nuk kanë pranuar të kenë një prononcim zyrtar.
Zëra të tjerë thonë se zgjedhjet janë në rrezik dështimi për shkak se sot duhej te shkonte fleta e votimit për të filluar shtypjen. Nga ana tjetër PD ka çuar dokumentacion të paplotë për kandidatët, kështu KQZ u detyrua që mbledhjen e parashikuar për sot në 18:00 ta shtyjë për nesër ( e diel) në 12:00 /Opinion.al
