Në Kinë, vendi që u konsiderua si vatra e përhapjes së koronavirusit po ulet në mënyrë të ndjeshme numri i të prekurve.
Komisioni Kombëtar i Shëndetësisë në Kinë bën me dije se vetëm 327 raste të reja me koronavirus u regjistruan në vend gjatë ditës së enjte, një shifër kjo shumë më e ulët se ditët paraardhëse.
Pjesa më e madhe e personave të infektuar ishte sërish në provincën e Hubei, ndërsa në zonat e tjera të Kinës u regjistruan vetëm 9 raste të reja.
Numri total i viktimave në Kinë ka shkuar në 2788 në fund të ditës së enjte, me 44 të vdekur që u shtuan sërish nga provinca e Hubeit, aty ku ishte dhe origjina e shpërthimit.
Ndërsa, sipas OBSH-së, koronavirusi ka shkaktuar 54 viktima në 44 vende jashtë Kinës dhe ka ende potencialin e një pandemie. Bilanci global është 83 mijë të prekur dhe rreth 2800 të vdekur dhe dy vatrat e tjera kryesore janë Koreja e Jugut dhe Italia./Opinion.al
