Aktualisht kudo në rrjet qarkullojnë lajmet se Tristan Thompson ka tradhtuar Khloé Kardashian me shoqen e ngushtë të Kylie Jenner, Jordyn Woods. Sipas “E!News”, Tristan dhe Jordyn shkuan me një grup miqsh të përbashkët në një festë private dhe qëndruan shumë pranë njëri-tjetrit duke flirtuar dhe duke u përkëdhelur deri në orët e para të mëngjesit.
Mirëpo, së fundmi, një burim për “Us Weekly” pohoi se Khloe është takuar me Tristan këtë të hënë për ta pyetur nëse thashethemet janë të vërteta dhe ai ka pohuar gjithçka. Burimi deklaron se pas kësaj, Khloé është ndarë përfundimisht nga ai. Sipas të njëjtave burime aktualisht, Tristan është shumë i qetë dhe s’do t’ja dijë për asgjë, përfshirë këtu dhe faktin që mund të mos e shohë më shpesh të bijën.
“Tristan-in nuk e shqetëson shumë fakti që mund të mos e shohë më vajzën. Atij s’i intereson më nëse kjo marrëdhënie mori fund. Në të vërtetë s’është përpjekur kurrë ta bëjë Khloe-n për vete. “- janë shprehur burime për Us Weekly.
Ndërsa nga ana tjetër e gjithë familja ka shkëputur marrëdhënien me shoqen e ngushtë të Kylie-it, Jordyn Woods. Thuhet se familja Kardashian është mjaft e inatosur me të, pasi ata e kanë promovuar dhe financuar prej vitit 2013.
Në rrjet qarkullojnë shumë dyshime se nuk ka asgjë të vërtetë në këto lajme, dhe kjo është thjesht një mënyrë imorale marketingu sepse sezoni i ri i “Keeping up with the Kardashians” do të nisë në muajin mars. Marketing apo jo, duket se Kardashianët ia dolën sërish, pasi sot kanë qenë epiqendra e lajmeve rozë./E.M
