Wanda Nara dhe Mauro Icardi janë një nga çiftet më të përfolur të shtypit rozë. Aludimet se ata dëshironin vetëm paratë dhe famën e njëri-tjetrit me kalimin e kohës u zhdukën dhe të gjithë filluan të besonin se çifti po përjetonte diçka reale. Zërat se mes tyre nuk kishte vetëm aventurë u shuan kur Icardi i besoi partneres dhe statusin e menaxheres, e nuk kursente deklaratat publike të dashurisë ndaj saj.
Por tashmë mediat italiane shkruajnë se mes tyre ka një krizë të thellë. Dyshimet e para nisën pasi Wanda udhëtoi e vetme në Dubai, ndërkohë që Icardi ende nuk kishte zgjidhur mosmarrëveshjet me klubin zikaltër.
Së fundmi, bashkëshortja njëherësh menaxherja e sulmuesit të Interit, i ka hedhur “benzinë zjarrit”, pasi ka fshirë futbollistin e Interit nga Instagrami. Edhe pse ndiqet nga 4.9 milionë ndjekës, argjentinasja i ka bërë “unfollow” çdo personi që ndiqte, madje nuk kurseu as bashkëshortin.
Wanda është një nga personat më të sulmuar nga tifozët sikaltër, të cilët e akuzojnë se po shkatërron karrierën e Icardit me ambiciet e saj. Modelja madje është sulmuar dhe kërcënuar prej tyre. /Opinion.al
