Ambasadori i Bashkimit Evropian, Luigi Soreca dhe zv/ ambasadorja Amerikane Leyla Moses-Ones, janë parë pak minuta më parë të ngjisin shkallët për në zyrën e kryeministrit Rama.
Takimi është kërkuar pas vendimit të opozitës për të djegur mandatet parlamentare, çka e çon vendin drejt një krize të re politike të përmasave të papara më herët.
Nuk dihet se çfarë do ti kërkojnë dy ambasadorët kryeministrit Rama, ndërsa ky i fundit është shprehur qartë se nuk ka ndërmend të dorëhiqet si kryeministër i vendit.
Po kështu Rama gjatë një interviste është shprehur se nuk do të ketë zgjedhje të parakohshme.
Ndërkohë që opozita ka paralajmëruar një tjetër protestë të madhe ditën e enjte, duke synuar shtimin e presionit ndaj qeverisë Rama. Dl/ Opinion.al
